Обука во ОУ „Раде Кратовче“ Кочани за тимска работа и решавање на конфликти


Оригинален напис: Македонија – А1он на 17-02-2017.

Во проектот „Тим, тимска работа, комуникација во мултикултурно опкружување и решавање конфликти“, кој е подржан од Националниот ромски центар од Куманово и Делегацијата од Европската унија, е вклучено и Основното училиште „Раде Кратовче“ од Кочани каде денеска се одржа обука за вработените.

Преставниците од училиштето, во кое учат деца од македонска и ромска националност, на денешната средба со новинарите посочија дека реализацијата на проектот е повеќе од потребна и изразија задоволство од обуката во нивното училиште.

– Проектот се имплементира во пет општини во Македонија меѓу кои и нашата. На обуката стана збор за тимовите и тимската работа, ефектите од нив, за методите и стратегиите за ублажување на конфликти, градење сојуз, воспоставување партнерства со најмалку 20 до 25 локално засегнати страни. Акцентот се стави пред се на улогата на тимот во мултикултурното опкружување, изјави Марија Филипова, училишен педагог.

Проектот ќе се реализира до 30 септември 2017 година, а партнерите имплементатори, во соработка со други здруженија на граѓани и претставници на петте општини, ќе преземат поголем број активности за остварување на општата цел – да се воспостават механизми за зголемено учество и заштита на правата на помалите заедници на локално ниво.


0.0000000000000