МНР реагира до Атина и Брисел за блокадата на границата на Евзони


Оригинален напис: Meta.mk на 16-02-2017.

800px-АЕК,_Јавно_обвинителство_и_финансова_полиција,_Министерство_за_надворешни_работи_4

Министерството на надворешни работи (МНР) официјално реагирало до грчките власти како и до Европската комисија за блокадата на граничниот премин Евзони, потврдија од МНР за „Мета“.

Од Грција по дипломатски пат добиле објаснување дека и тие вложувале напори за решавање на проблемот и правеле се што можат, бидејќи и тие трпеле штети, а не само Македонија.

Во писмото до Европската комисија, МНР навеле дека со тековната блокада на граничниот премин која трае веќе 18 денови се крши Спогодбата за стабилизација и асоцијација со ЕУ која гарантира слободно движење на стоки и луѓе и е потпишана од Грција.

Од МНР го посочуваат пристаништето во Драч како алтернатива за дел од македонските компании, во зависност од товарот што се превезува.

Поради блокадата на грчката граница од страна на грчките земјоделци, македонските превозници ги користат граничните премини Меџитлија и Ново Село.


0.0000000000000